Rihanna fyrir River Island

Ég varð ótrúlega spennt þegar ég komst að því að það kæmi önnur lína frá Rihönnu í samstarfi við River Island, af því að sú fyrsta var dásemd! 

Nú er haustlínan komin í verslanir og hún stenst allar mínar væntingar!

Úr lookbookinu, elska þessar litasamsetningar!

90´s fílíngur, fílaða!

The shoes, OH the SHOES!

Þetta eru síðan mínar uppáhalds flíkur úr línunni sem ég gæti alveg séð fyrir mér að ég myndi nota mikið

Í skápinn minn takk fyrir!

-Arr Kay BB

Ljúfa haust...

Skólinn er handan við hornið og því fylgir alltaf svo mikill haustfílingur. Sumarið er búið að líða alveg ótrúlega hratt og ég hefði alveg verið til í aðeins fleiri sólardaga, en nú er ég alveg orðin sátt við að haustið sé komið. Því fylgir alltaf svo mikil kósýheit, kaffi, te, lestur og lærdómur, kertaljós og kúr. Þó svo að ég sé alveg skelfileg kuldaskræfa þá er eitthvað heillandi við þykka trefla, stígvél og rjóðar kinnar haustsins :) Vonandi fer samt ekki að snjóa alveg strax svo að léttari haustkápur og jakkar fái að njóta sín aðeins áður en úlpan tekur öll völd! 

Kósý-tímar framundan... love it!

-Arr Kay BB

Beards

What can I say..?

-Arr Kay BB

Púkasögur...

Fyrir þó nokkrum árum sat ég á kaffihúsi og var að krota eitthvað í skyssubók til þess eins að virðast vera svakalega upptekin og un-available fyrir mannleg samskipti. Þá varð til lítil krúttleg fígúra sem ég kalla einfaldlega púka og hefur hann fylgt mér allar götur síðan. Ef ég er með blað og penna, þá verða til púkar. Ósjálfrátt. Ég hef eitthvað fiktað við að teikna púkasögur í tölvunni en ég er ótrúlega lítil tölvu- og tæknimanneskja þannig að þær eru voða plain og bara gerðar í paint. Ég ætla að reyna að vera dugleg að gera fleiri í sumar og sýna ykkur afraksturinn hér.

Þetta er fyrsta púkamyndin sem ég gerði í tölvu... Púki er yfirleytt ekki með munn, né hendur, en það er alveg spurning um að uppfæra það svo að hann geti nú gert eitthvað fleira greyið litla.

Púki fer á djammið..

Einn vatnslitapúki

Jólapúkasaga sem ég gerði fyrir nokkra Grinchy vini mína 

Svo er ein púkamynd í bígerð... Stay tuned! ;)

-Arr Kay BB

Football jerseys

Það er eitthvað heillandi við það þegar flík er tekin úr sínu upprunalega samhengi og stílíseruð á óvæntan hátt. Football jerseys eru gott dæmi um slíkt. Það er hægt að gera svo mörg flott en ólík outfit með einni slíkri.

Þessi er í sérstöku uppáhaldi, statement hálsmen og hvítur blazer er alveg málið við svona treyju

LeHappy að rokka svipað look. Hún er by far uppáhalds tískubloggarinn minn. Stíllinn hennar er fullkomnun!Þið getið fylgst með blogginu hennar hér

Þessi fæst á Romwe.com, sama treyja og er á fyrstu myndinni. Ég held ég verði bara að splæsa á mig einni svona fyrir sumarið, já eða finna svipaða hérna heima þar sem ég er ferlega ósjóuð í að panta föt á netinu. 

-Arr Kay BB

Af hverju ekki?

Það fer skelfilega í taugarnar á mér þegar ég fæ svarið: "Af hverju ekki?" þegar ég spyr fólk um eitthvað og ég tel að það sé einungis notað þegar ekkert raunverulegt svar er fyrir hendi. Semsagt, fólk veit ekkert hvað það er að gera eða af hverju. Nú er samt komið að því að eina svarið sem ég hef er afhverju ekki. Svarið við spurningunni sem er: Af hverju ætlar þú að byrja að blogga? æji, þú veist... afhverju ekki?! 

Ég efast um að hér muni birtast svo brjálæðislega stórkostlegar uppgötvanir um tilgang lífsins og alheiminn að þær eigi eftir að  gjörbreyta lífi lesenda. Sennilega ekki. Ég er bara nýútskrifaður bókmenntafræðingur með ódeyjandi ást á góðum bókum, tísku, mörgæsum, blokkflautuleik, Harry Potter og fleira random rugli og þetta blogg verður mín leið til að deila ástríðum mínum, sjálfsáskorunum og ævintýrum lífsins. Njótið! afhverju ekki? ;)

-ArrKayBB